पुणे:सामाजिक कार्यकर्त्या सिंधुताई सपकाळ (73) यांचे ह्रदयविकाराच्या झटक्याने आज रात्री 8 वाजून 10 मिनिटांनी पुण्यातील गॅलक्झी हॉस्पिटलमध्ये निधन झाले.
काही दिवसांपूर्वीच त्यांचे हर्नियाचे ऑपरेशन झाले होते. त्यानंतर त्यांच्यावर उपचार सुरु होते. आज त्यांचे ह्रदयविकाराच्या झटक्याने निधन झाले.त्यांच्या निधनाने सर्वत्र हळहळ व्यक्त केली जात आहे.
सिंधुताई सपकाळ यांनी अनेक खडतर प्रसंगाना तोंड देत हजारो अनाथ मुलांचा सांभाळ केला आहे. त्यांना 2012 साली डॉ. बाबासाहेब आंबेडकर समाजभूषण पुरस्कार मिळाला. 2021 साली त्यांना पद्मश्री पुरस्काराने गौरविण्यात आले.
